Víkurkirkja; 2. pípuorgel

I. Aðalverk, C-g3: Prinsipal 4', Rörflauta 8', Spíssflauta 2', Mixtúra 1 1/3 - 3f.

 

II. Svelliverk, C-g3: Bordún 8', Gemshorn 4', Prinsipal 2', Kvinta 1 1/3', Dúlsían 8'.

Fótspil: C'-f1: Subbassi 16', bassaflauta 8'.

Tengi: I-P, II-P, I-II, II-I.

Sunnudaginn 14. mars 1993 var nýtt pípuorgel vígt í Víkurkirkju í Mýrdal. Það var Ketill Sigurjónsson, orgelsmiður i Forsæti í Villingaholtshreppi, sem smíðaði það. Orgelið er 11 radda, handstýrr (mekanískt) og smíðað í klassískum stíl með tveimur nótnaborðum og fótspili. Orgelhúsið er úr gegnheilli amerískri hnotu. Við tónmyndun og stillingu naut Ketill aðstoðar Alberchts Bucholtz og nema hans Jens Kristensen frá Marcussen&Søn í Danmörku.

 

Aðdranga að smíði orgelsins má rekja aftur til ársins 1984, þegar Víkurkirkja varð 50 ára. Þá var stofnaður sjóður til minningar um feðgana Sigurjón Kjatansson, fyrrv. kaupfélagsstjóra, organista og tónskáld í Vík, og Kjartan Sigurjónsson sem lést langt um aldur fram 1945 í London, þar sem hann var við söngnám. Árið 1990 gaf Ólafur Jónsson í Vík síðan veglega gjöf til minningar um dóttur sína Sigríði, fyrrverandi organista Víkurkirkju og þar með hófst smíði orgelsins af fullum krafti. Þá hafa fjölmargir aðrir fært sjónum veglegar gjafir en markmið orgelsjóðs Víkurkirkju var að kaupa vandað hljóðfæri í kirkjuna svo unnt yrði að flytja þar hin bestu tónverk til ómetanlegs menningarauka fyri Mýrdalinn og nágrenni hans.

Skjöl

Orgel Víkurkirkju Mynd/jpg
Pípuorgel Mynd/jpg
Pípuorgel Mynd/jpg
Pípuorgel Mynd/jpg
Pípuorgel Mynd/jpg
Víkurkirkja-Pípuorgel Myndband/mov
Framleiðandi
Gerð Ketill Sigurjónsson
Staðir
1993 -

Hugi Þórðarson uppfærði 4.10.2017