Halldór Brynjólfsson 15.04.1692-2810.1752

Prestur og síðar biskup. Stúdent frá Hólaskóla 1715. Lauk guðfræðiprófi frá Hafnarháskóla með 3. einkunn. Fékk Útskála 20. júlí 1716 og þjónaði jafnframt Hvalsnesi. Fékk Staðastað 7. janúar 1736 og varð prófastur Snæfellinga 25. ágúst 1738. Hann varð síðan biskup á Hólum 18. mars 1746. Hann veiktist af krabbameini og andaðist á leið til Hafnar þar sem hann hugðist leita sér lækninga og var jarðsunginn í Höfn. Dugnaðarmaður og með lærðustu prestum. Hann fékkst og við lækningar. Hann sneri á íslensku Pontop­pídans barnaspurningum eða sannleika guð­hræðslunnar (Kh. 17412) og ritgerð eftir Pétur Molinos um undirbúning til heilagrar kvöldmáltíðar (Hólum 1747). Sömuleiðis er prentað eftir hann Lítið ágrip um þær fjórar species í reikningskonstinni (Hólum 1746). Hann gaf einnig út safn af gömlum sálmum (Hólum 1751) ásamt nokkrum kvæðum Hall­gríms Péturssonar, þar á meðal Aldarhátt (Hólum 1748)

Heimild: Guðfræðingatal, Hannes Þorsteinsson, Gutenberg 1907 - 1910 og Íslenskar æviskrár PEÓ II bindi, bls. 247-8.

Staðir

Útskálakirkja	Prestur	09.06. 1716-1736
Staðakirkja á Staðastað	Prestur	07.01. 1736-1746
Hóladómkirkja	Biskup	18.03. 1746-1752
Hvalsneskirkja	Prestur	09.06. 1716 -1736

Biskup, prestur og prófastur
Uppruni	Saurar Helgafellssveit   Snæfellsnessýsla     Ísland
Heimili	Hólar Hjaltadalur   Skagafjarðarsýsla     Ísland