Una Sveinbjarnardóttir 31.03.1975-

Una lauk einleikaraprófi frá Tónlistarskólanum í Reykjavík og Konzertexamen gráðu frá Universität der Künste Berlin. Kennarar hennar voru Thomas Brandis og Alban Berg strengjakvartettinn.

Hún hefur frumflutt á Íslandi fiðlukonserta Phillip Glass og Kurt Weil, Draumnökkva Atla Heimis Sveinssonar, Fiðlukonsert Högna Egilssonar og Quasi Concerto Sveins Lúðvíks Björnssonar. Hún hefur leikið Shostakovich fiðlukonsert nr. 1 og fiðlukonsert Beethovens með Sinfóníuhljómsveit Íslands. Una hefur leikið á plötum Bjarkar, Rammstein, Bonnie Prince Billy, Till Brönner, Ane Brun, Mugison og fjölda annarra. Hún lék í Útvarpshljómsveit Berlínar, RSB, og Þýsku óperunni um árabil og hefur unnið með Pierre Boulez, Marek Janowski, Mstislav Rostropovich, Krystof Penderecki og Heinz Holliger.

Una er konsertmeistari Kammersveitar Reykjavíkur og hefur verið gestakonsertmeistari Klassische Philharmonie Bonn, Trondheim Symfoniorkester, hljómsveit Íslensku Óperunnar og Sinfóníuhljómsveitar Íslands. Una leikur á Camillo Camilli fiðlu smíðaða 1732. Una mun frumflytja fiðlukonsert Páls Ragnars Pálssonar, Nostalgía, á Myrkum músikdögum 2013 með Sinfóníuhljómsveit Íslands, og er það í fyrsta sinn í níu ár sem hún kemur fram sem einleikari með hljómsveitinni.

Af vef Kammersveitar Reykjavíkur 2013.

Staðir

Suzukitónlistarskólinn í Reykjavík Tónlistarnemandi -

Hópar

Hópur 1 Stöður Frá Til
Kammersveit Reykjavíkur Konsertmeistari
Sinfóníuhljómsveit Íslands Fiðluleikari

Skjöl


Tengt efni á öðrum vefjum

Fiðlukennari, fiðluleikari, tónlistarnemandi og tónskáld
Ekki skráð
Ekki skráð

Jón Hrólfur Sigurjónsson uppfærði 15.06.2016