Hún var fædd að Keisbakka á Skógarströnd í Snæfellsnessýslu. Foreldrar hennar voru hjónin Marta Sigríður Jónsdóttir, prests Benediktssonar frá Hrafnseyri og Jón Guðmundsson trésmiður og bóndi á Keisbakka, Vigfússonar, hreppstjóra á Bílduhóli á Skógarströnd.

Aðeins ársgömul missti Ólöf móður sína, en hún var yngst systkina sinna, og var hún tekin í fóstur af ágætishjónum á Emmubergi á Skógarströnd, þeim Jóni Jónssyni skáldi og konu hans Guðrúnu. Hefir Ólöf lýst uppvexti sínum og lífi á þessum árum í viðtölum, sem birzt hafa í Lesbók Morgunblaðsins oftar en einu sinni, á tímamótum í ævi hennar …

Úr minningargrein í Morgunblaðinu 23. mars 1972, bls. 22.