Þorsteinn Hannesson 19.03.1917-03.02.1999

Þorsteinn tók lokapróf frá Samvinnuskólanum 1935. Hann var í söngnámi hjá Sigurði Birkis 1939-1943 og við Royal College of Music í London frá 1943-1947. Einnig var hann í einkatúnum hjá Josep Hislop og Irving Dennis. Þorsteinn var starfsmaður Verðlagsnefndar frá 1941-1943. Hann var aðaltenór hjá The Covent Garden Opera Company frá 1947-1954 og söng jafnframt sem gestur hjá The Royal Carl Rosa Opera Company, The Sadler's Wells Opera Company og óperunum í Cork á Írlandi og í Amsterdam í Hollandi. Hann söng einnig á tónleikum og í útvarpi í París og á tónleikum víða á Bretlandseyjum.

Eftir heimkomuna frá London 1954 söng hann og lék mörg hlutverk í Þjóðleikhúsinu. Hann var yfirkennari við söngdeild Tónlistarskólans í Reykjavík frá 1955-1966. Hann var aðstoðarmaður forsljóra ATVR og síðar innkaupafulltrúi frá 1961-1969. Aðstoðartónlistarstjóri RUV frá 1969 og síðan tónlistarstjóri þess frá 1975-1981. Hann vann við skráningu og flokkun sögulegs hljóðritasafns RUV og hafði yfir- umsjón með útgáfu valins efnis úr því safni. Einnig kenndi hann við Söngskólann í Reykjavík um skeið. Hann var í stjórn Sinfóníuhljómsveitar Islands frá 1956-1960 og 1975-1981. í útvarpsráði sat hann frá 1963-1971. Þorsteinn sat í nefnd sem undirbjó stofnun sjónvarps á Íslandi. Hann var formaður barnaverndarnefndar Kópavogs 1962-1966, varaformaður 1966-1970. Hann var í undirbúningsnefnd að stofnun Tónlistarskóla Kópavogs og síðar í stjórn hans í fjögur ár. Í stjórn Lista- og menningarsjóðs Kópavogs 1974-1978. Einnig sat hann í stjórn Bandalags Íslenskra Iistamanna um árabil og var varaforseti þess í tvö ár. Hann annaðist tónlistarþætti í RUV í áratugi, las margar útvarpssögur og á seinni árum lék hann hlutverk í nokkrum kvikmyndum, m.a. í Hvíta víkingnum, Atómstöðinni, Skyttunum og Kristnihaldi undir Jökli.

Úr minningargrein í Morgunblaðinu 12. ferbrúar 1999, bls. 36.

Sjá einnig Kennaratal á Íslandi, II. bindi bls. 277.

Staðir

Covent Garden Söngvari 1947-1954

Tengt efni á öðrum vefjum

Söngkennari, söngvari og tónlistarmaður
Ekki skráð

Hugi Þórðarson uppfærði 12.12.2014