Þórunn Gréta Sigurðardóttir 08.04.1981-

Þórunn Gréta hlaut grunnmenntun í píanóleik við tónlistarskólana í Fellahreppi og á Egilsstöðum og lauk stúdentsprófi frá Menntaskólanum á Egilsstöðum. Hún stundaði píanó- og tónsmíðanám við Tónlistarskólann í Reykjavík og lauk burtfararprófi í tónsmíðum árið 2008, B.A. gráðu í tónsmíðum frá Listaháskóla Íslands árið 2011 og M.Mus. gráðu frá Hochschule für Musik und Theater í Hamborg árið 2014. Hún hefur sótt fjölda masterklassa og námskeiða í píanóleik, tónsmíðum og spuna. Hún hefur fyrst og fremst samið kammertónlist fyrir hefðbundin hljóðfæri en einnig tónlist við innsetningar, vídeóverk og hreyfimyndir í samstarfi við íslenska hönnuði og ljóðskáld. Þá hefur hún starfað sem píanókennari við Tónmenntaskóla Reykjavíkur og Nýja tónlistarskólann, framleitt útvarpsþætti fyrir RÚV auk þess að hafa starfað við þýðingar um árabil.

Þórunn Gréta Sigurðardóttir (3. maí 2014).

Staðir

Menntaskólinn á Egilsstöðum -
Tónlistarskólinn í Reykjavík Tónlistarnemandi -2008
Listaháskóli Íslands Háskólanemi -2011
Hochschule für Musik und Theater í Hamborg Háskólanemi -2014
Tónmenntaskóli Reykjavíkur Píanókennari -
Nýi tónlistarskólinn Píanókennari -

Tengt efni á öðrum vefjum

Jón Hrólfur Sigurjónsson uppfærði 25.01.2016