Ingvi Þór Kormáksson 30.01.1952-

Ingvi Þór Kormáksson hóf tónlistarferil sinn 14 ára gamall sem trommuleikari í skólahljómsveitinni Sturlungum í Reykholtsskóla. Hann hafði þá notið smá tilsagnar í trommuleik og píanóleik. Næsta vor sneri hann sér alveg að hljómborðinu eftir hljómfræðinám hjá Árna Scheving og lék með hljómsveitinni Falkon frá Ólafsvík sumarið 1968.

Hljómsveitir næstu ára voru Intermezzo og Júnísvítan frá Hellissandi / Ólafsvík og seinna meir Hljómsveit Jakobs Jónssonar, Gaddavír, Moldrok, Hljómsv. Önnu Vilhjálms, Experiment, Amon Ra, Hljómsv. Birgis Gunnlaugssonar og Goðgá.

Árið 1988 hætti Ingvi Þór dansleikjaspilamennsku og fór að einbeita sér meira að lagasmíðum en fyrsta hljómplata hans kom út árið 1983. Hann gerir mikið af lögum við ljóð nútímaskálda.

Árið 1993 hóf Ingvi Þór samstarf við breskan söngvara, laga- og textasmið, J. J. Soul. Stofnuðu þeir JJ Soul Band sem flutti djass/blús/bræðing eftir þá félaga og aðra. Hljómsveitin sendi frá sér geislaplöturnar "Hungry For News" ´94 og "City Life" ´97. Lagið "City Life" hlaut 1. verðlaun í USA Songwriting Competition (R&B/Jazz category) 1997 og lagið "Watch Out", varð í 2. sæti í alþjóðlegri lagasmíðakeppni í Hastings á Englandi.

Fleiri lög eftir þá félaga hafa fengið alþjóðlegar viðurkenningar. Ingvi Þór og J.J. hafa gert samning við bandarískt forlag, AURecordings og eru fleiri diskar væntanlegir með hljómsveitinni. Ingvi Þór er menntaður bókasafnsfræðingur og vinnur á Borgarbókasafni.

Af Tónlist.is (26. febrúar 2014).

Hópar

Hópur 1 Stöður Frá Til
Experiment Hljómborðsleikari
Goðgá Hljómborðsleikari
Hljómsveit Jakobs Jónssonar Hljómborðsleikari
JJ Soul Band Lagahöfundur og Hljómborðsleikari 1993

Tengt efni á öðrum vefjum

Hljómborðsleikari og lagahöfundur
Ekki skráð
Ekki skráð

Jón Hrólfur Sigurjónsson uppfærði 26.05.2016