Leone Tinganelli (Leone Alexander Tinganelli) 22.01.1964-

<p>Leone fluttist til Íslands haustið 1986. Fljótlega eftir komuna hingað hóf hann að spila og syngja ítölsk lög á hinum ýmsu veitingahúsum á höfuðborgarsvæðinu. Hann samdi 1997 lagið Io e te (Ég og þú) sem Emilíana Torrini flutti á plötunni Veðmál úr samnefndu leikriti.</p> <p>Leone stofnaði tríóið Delizie Italiane 2000 en auk hans lék í bandinu Jón E. Hafsteinsson á klassískan gítar og Jón Rafnsson á kontrabassa. Þeir félagar einskorðuðu sig nær eingöngu við tónlist frá Napoli frá tímabilinu 1500 til 1980.</p> <p>Árið 2002 samdi Leone lagið Se ci credi anche tu (Ef þú trúir því líka) sem var sent út í barnasöngvakeppnina Zecchino D'oro í Bologna á Ítalíu. Fyrir Íslands hönd söng ung stúlka að nafni Halldóra Baldvinsdóttir lagið sem hafnaði í fyrsta sæti yfir besta erlenda lagið og í öðru sæti í úrslitum.</p> <p>Ári síðar eða 2003 samdi Leone svo lagið Hjartasól sem hann flutti ásamt Björgvini Halldórssyni á plötu þess síðarnefnda Duet og náði það lag talsverðum vinsældum, fékk góða útvarpsspilun og þá komu þeir félagar Leone og Björgvin fram í sjónvarpi þar sem þeir fluttu lagið.</p> <p>Árið 2004 söng Leone inn tvö lög L'inverno puó Asetta... og Come un gabbiano inn á plötu sem dreift var til útvarpsstöðva, auk þess að vera boðin hér á tónlist.is.</p> <p align="right">Byggt á Tónlist.is (20. mars 2014).</p>

Tengt efni á öðrum vefjum

Jón Hrólfur Sigurjónsson uppfærði 20.03.2014