Andrés Ingólfsson (Andrés Sverrir Ingólfsson) 11.07.1935-04.04.1979

... sem ungur drengur, er bjó hjá móður sinni, Vilborgu Guðmundsdóttur, einhversstaðar inni í Vogum, að mig minnir, fékk Andrés þennan óstöðvandi áhuga á músik, eignaðist saxófón og fór að blása með félögum sínum og stilla saman til hljómsveitar. Hann varð brátt einn hinna ungu, efnilegu, og lagði leið sína á tónskóla í Bandaríkjunum. Eftir að heim kom starfaði hann með þekktari danshljómsveitum landsins að því er heita má sleitulaust til siðasta dags. Um tíma stóð hann sjálfur fyrir hljómsveit, sem skipuð var kunnum mönnum og naut vinsælda. Siðasta skeið ævi sinnar lék hann svo með hljómsveit Ragnars Bjarnasonar á Hótel Sögu. Hann var góður saxófónleikari og hafði gaman af fagmannlegum vinnubrögðum í hljómsveitum, enda þótt hugur hans stæði alltaf fremur til jazz-tónlistar en þeirra popp- og dægurlaga, sem hann lengst af starfaði við í danssölum.

Andrés Ingólfsson var hinn mesti þjarkur til vinnu, og árum saman vann hann tveggja manna starf, við verzlunarstörf að deginum fullan vinnudag, en sem hljómlistarmaður um kvöld og nætur, oft í þeim hljómsveitum, sem hvað mest höfðu að gera. Honum létu verzlunarstörfin einkar vel og naut sín þar sem annars staðar prúðmannleg framkoma hans ...

Úr minningargrein. Ólafur Gaukur.

Hópar

Hópur 1 Stöður Frá Til
Hljómsveit Hauks Morthens Saxófónleikari 1972 1973-03/05
Orion-kvintett Saxófónleikari 1956-04-17 1957-11/12
Sextett Ólafs Gauk Saxófónleikari 1969

Tengt efni á öðrum vefjum

Hljómsveitarstjóri, kaupmaður og saxófónleikari

Jón Hrólfur Sigurjónsson uppfærði 2.12.2015