<p><strong>Foreldrar:</strong> August Hriberschek, vélfræðingur og lestarstjóri í Austurríki, f. 13. ágúst 1900 í Austurríki, d. 1967, og kona hans Hildegard Sternischa Hriberschek, f. 27. jan. 1909 í Austurríki.</p>
<p><strong>Námsferill:</strong> Gekk í gagnfræða- og framhaldsskóla í Graz í Austurríki 1930-1940; stundaði tónlistarnám í Graz 1934-1938 og við Konservatorium í Vín 1938-1945 og lauk prófi í fiðlu-, píanó- og hornleik 1945; stundaði framhaldsnám í hornleik hjá prófessor Freiberg í Tónlistarakademíunni í Vín 1946-1948 og í tónsmíðum hjá prófessor Artur Michl og dr. Franz Mixa í Graz.</p>
<p><strong>Starfsferill:</strong> Var fyrsti hornIeikari í Philharmonisches Orchester í Graz 1945-1952 og í Sinfóníuhljómsveit Íslands 1952-1995; stundaði kennslu í Keflavík og Reykjavík 1960-2000; var skólastjóri Tónlistarskóla Keflavíkur 1977-1985 og kórstjóri í Reykjavík, Hafnarfirði og Keflavík 1958-1985.</p>
<p align="right">Sjá nánar: Sinfóníuhljómsveit Íslands – saga og stéttartal, bls. 202. Sögusteinn 2000.</p>
<blockquote>... „Þegar hann [Wilhelm Lanzky-Otto] fór kom Herbert Hriberchek í staðinn, fyrir atbeina Franz Mixa, sem hélt uppteknum hætti við að senda hingað frábæra tónlistarmenn. Herbert kom frá Graz í Austurríki og ætlaði að taka sér stutt frí frá störfum þar og spila á Íslandi. Það frí stendur ennþá; hann var fyrsti hornleikari hljómsveitarinnar í áratugi, og kennari og skólastjóri Tónlistarskólans í Keflavík auk þess sem hann hefur sinnt tónsmíðum. Nafnið breyttist í Herbert H. Ágústsson..“</blockquote>
<p align="right">Úr Morgunbalaðsgrein Ingibjargar Eyþórsdóttur Erlendir tónlistarmenn á Íslandi á 20. öld Grein III: Breytt heimsmynd í kjölfar velmegunar.</p>
Staðir
Hópar
Viðtöl
Skjöl
Tengt efni á öðrum vefjum