Haraldur Ægir Guðmundsson 30.07.1977-

Fæddur 1977 á Blönduósi, Íslandi; hóf að leika með hinum ýmsu rokksveitum héraðsins um 15 ára aldur. 17 ára til 22 ára ferðaðist og vann sem trúbador um Ísland ásamt að leika á rafmagnsbassa með ýmsum öðrum smærri hljómsveitum. Lærði einn vetur jazz á gítar í Gítarskóla Íslands, hóf nám 27 ára við Tónlistaskóla FÍH 2004, á kontrabassa. Einkanám í tvö ár (2004- 2006) hjá Þórði Högnasyni, samhliða námi við FIH hjá Birgi Bragasyni og Jóni Rafnsyni; fluttist 2006 til Salzburgar í Austurríki og hóf þar fljótlega að nema á kontrabassa hja Alexander Meik og spila með ýmsum ólíkum verkefnum, Þar á meðal Ensemble Úngút, Miriam Acoustic Group og fleirum. Ásamt session vinnu í Salzburg hefur Haraldur ásamt Ólafi Tómasi Guðbjartssyni starfrækt hljómsveitina Groundfloor frá árinu 2003 og leikið fjölda tónleika í Austurríki, þýskalandi og Ítalíu. Á seinustu árum hefur Haraldur einnig tekið upp kennsku á kontrabassa þar sem hann leggur megináherslu á spilaánægju, eigin hljóm og frumkvæði. Á árinu 2010 stofnsetti Haraldur tvö mismundandi trio utan um tónsköpun sína, BaadRoots og Sound Post.

Af vefsíðu Haraldar 15. febrúar 2014.


Tengt efni á öðrum vefjum

Ekki skráð

Jón Hrólfur Sigurjónsson uppfærði 15.02.2014