Guðmundur Ingimundarson 21.04.1827-15.01.1913

Íslendingabók segir Guðmund fæddan 1. apríl 1827. Jón Hrólfur 12. júlí 2013.

Guðmundur Ingimundarson á Bóndhóli í Borgarfirði, er fæddur 21. apríl 1827 í Þingnesi í Bæjarsveit i Borgarfjarðarsýslu. Á öðru ári fluttist hann með foreldrum sínum út á Akranes og misti þar föður sinn í sjóinn, þegar hann var á 8. árinu. Síðan var hann með móður sinni til 14 ára aldurs, að hann fluttist sem vikadrengur að Ölvaldsstöðum í Borgarhreppi. Á bæ þessum dvaldi bann í 61 ár, 17 ár sem vinnumaður og 44 ár í hjónabandi, með konu sinni Guðbjörgu Guðmundsdóttur; eignuðust þau 9 börn og eru 4 þeirra á lífi, þar á meðal Eiríkur bóndi í Bóndhól. Son sinn, Ingimund, misti Guðmundur í sjóinn, 26 ára gamlan, fyrir 22 árum, mjög eínilegan mann.

Guðmundur Ingimundarson stundaði sjó í 34 vetrarvertíðir sem formaður í Keflavík; á þeim árum bjargaði hann þrem mönnum úr sjávarháska; var formaðurinn Magnús, móðurbróðir Ólafsens í Keflavík. Forsöngvari var G. I. í full 30 ár í Borgarkirkju.

Heyrt hef jeg, að hann hafi verið fastheldinn við gömlu lögin og ekki verið um hinn nýja söng, sem var að ryðja sjer til rúms á forsöngvaraárum Guðmundar. Hafi þá verið fenginn afbragðssöngmaður einn, »mesti hljóðavargur«, til þess að byrja nýja sönginn, þó G. I. vildi halda hinum gamla; hafi þeir báðir byrjað jafnsnemma við messu-upphaf, sinn á hvoru lagi (G. I. á hinu gamla en hinn á hinu nýja) og G. I. sjeð sitt óvænna með að halda sínu fyrir hinum; hafi hann þá hlaupið upp á bekkinn, sem þeir sátu á, og þannig haft yfirhöndina og haldið sínum söng all-lengi eftir það. Guðm. er lágur maður vexti og ekki þrekinn, en kviklegur á fæti og eldsnar í snúningum, augun góðleg, dökkbrún á lit og eldfjörug. Þegar mynd sú, er hjer er sýnd af G. I., var tekin, var hann að leggja af stað úr Reykjavík fótgangandi í svo mikilli snjó-ófærð að hann varð að ganga með sjó fram alla leið upp í Borgarfjörð, og var hann þá að byrja 81. árið. Ferðinni lauk hann á hálfum þriðja degi. Síðastl. vor gekk hann suður í Keflavík.

G. I. mun vera einn með elstu mönnum, sem nú lifa, er tíðkuðu »gömlu lögin« og kann hann ógrynni af þeim. Fyrir nokkrum árum gaf hann mönnum kost á að heyra þau opinberlega hjer í »Bárubúð« og dáðust menn mjög að hinum skæru og fögru hljóðum, sem gamli maðurinn hafði, þó áttræður væri. Varð þetta til þess, að vinur hans einn hjer í bæ fjekk hann til að syngja þau inn í grafófón, þar sem þau geta geymst um aldur og æfi til minja um hann og lögin sjálf.

J.P. Óðinn 1. janúar 1912, bls. 79.

Staðir

Borgarkirkja

Forsöngvari

-

Heimildarmaður/flytjandi í eftirfarandi hljóðritum

Tengt efni á öðrum vefjum

• Guðmundur Ingimundarson. Óðinn. 1. janúar 1912, bls. 79
• Gömlu lögin. Ingólfur. 21. apríl 1907, bls. 63. Sagt frá tónleikum Guðmundar í Bárunni þar sem hann flutti gömlu löagin

Bóndi, forsöngvari, sjómaður og tónlistarmaður
Uppruni	Þingnes Bæjarsveit   Borgarfjarðarsýsla     Ísland
Heimili	Bóndhóll Mýrar   Mýrasýsla     Ísland