Helgi Sigurður Helgason (Sigurður Helgason) 12.02.1872-09.11.1958

Helgi Sigurður Helgason er fæddur í Reykjavík á Íslandi 12. febrúar 1872. Foreldrar hans voru Helgi tónskáld, af þingeyskum ættum og kona hans Guðrún Sigurðardóttir, ættuð úr Húnaþingi. — Sigurður ólst upp í Reykjavík í andrúmslofti söngs og tónlista, því faðir hans var tónskáld og mikið viðriðinn músíklíf bæjarins. Svo var föðurbróðir hans, Jónas Helgason, organleikari við dómkirkjuna, kennari og útgefandi söngbóka, og bjó auk þss til smekkleg smálög. Sigurður lærði því ungur söng og hljóðfæraslátt hjá föðurbróður sínum, hjá Steingrími kennara Johnsen og hjá móður Dr. Helga Péturss. — Atján ára unglingurinn fór hann til Vesturheims, árið 1890. Hér vestra stundaði hann nám í raddþjálfun, hljómfræði og tónskáldskap, bæði hjá prívat kennurum og síðar við „Polyteehnie Institute of Los Angeles, Cal.“ Hann tók kennarapróf og heldur kennaraleyfi í Washington ríkinu. Sigurður er tvíkvæntur; fyrri konan var Ingibjörg Johnson, ættuð úr Norður Dakota. Þrír synir eru á lífi. Seinni konan heitir Hildur Levita Lindgren, af sænskum ættum, „hámentuð í tónlist og fyrirtaks kennari“. Sigurður hefir átt heima víðsvegar í þessu landi, um tíma í Winnipeg, en allmörg síðustu árin í Blaine, Washington, þar sem þau nú búa.

Ekki mun Sigurður hafa fengist við tónkveðskap fyr en löngu eftir að hann kom hingað vestur. Fyrsta lag hans, Skagafjörður, naut strax hylli almennings, og kvað nú vera fastur héraðssöngur Skagfirðinga. Síðari ára lög hans kváðu bera á sér vissan snildarbrag og hafa hlotið góða dóma. Því miður hef ég ekki átt kost á, að kynnast þeim af eigin sjón eða heyrn, og gef því hér nöfn þeirra án frekari athugasemda.

  • Við kvæði eftir Matth. Jochumsson:
    • Skagafjörður.
    • Stillið hörpu, hefjið dans.
  • Kvæði eftir St. G. Stephansson:
    • Jón Sigurðsson.
    • Þó þú langförull legðir.
  • Kvæði eftir Davíð Stefánsson:
    • Eilífi andi.
    • Íslensk tunga.
    • Heill yður landnámsmenn.
    • Á túni sefur bóndabær.
  • Kvæði eftir Pál J. Ardal:
    • Yfir sveitum tíbrá titrar.
    • Fjóla.
  • Kvæði eftir Benedikt Gröndal:
    • Hret (Fölnuð er liljan).
  • Kvæði eftir Gutt. J. Guttormsson:
    • Vormorgunn.
    • Áróra.
  • Kvæði eftir séra Albert E. Kristjánsson:
    • Heyr oss!
  • Kvæði eftir Dr. Riehard Beek:
    • Þá ást telur stundir.
  • Kvæði eftir Hannes Hafstein:
    • Nei, smáfrið er hún ekki.
  • Kvæði eftir Dr. Sig. Júl. Johannesson:
    • Íslenskir söngvasvanir.
  • Kvæði eftir Þorstein Erlingsson:
    • Nú sé eg og faðma þig, syngjandi vor.
  • Kvæði eftir Jakobínu Johnson:
    • Síglaði sunnanblær.
  • Kvæði eftir Helga Valtýsson:
    • Nu staar ingen Flagstang naken. (75 ára afmæli Hakonar Noregs konungs).
    • Lilja.
  • Kvæði eftir Bjarna Thorarensen:
    • Eldgamla Isafold.
  • Kvæði eftir P. V. G. Kolka:
    • Vornótt (Sóló með kór og píanó).

Þetta síðastnefnda lag fékk eg með póstinum, þegar eg var að ljúka við framanskráðar línur. Vera má, að Sigurður hafi samið fleiri lög, þó mér sé það ekki kunnugt. — Sigurður hafði góða tenór söngrödd á yngri árum og vel þjálfaða. Var hann jafnan hrókur als fagnaðar, hvar sem söngvasveit var saman komin.

Nokkur Vestur-Íslensk tónskáld. Gísli Jónsson. Tímarit Þjóðræknisfélags Íslendinga. 1. janúar 1950, bls. 75.

Heimildarmaður/flytjandi í eftirfarandi hljóðritum

1 hljóðrit
Dags Safnmark Efni Heimildarmenn #
1955 SÁM 87/1011 EF Segir frá æsku sinni í Reykjavík; fór vestur 1890; sagt frá tónlistarnámi og sönglífi Íslendinga Helgi Sigurður Helgason 35654

Skjöl


Tengt efni á öðrum vefjum

Tónlistarmaður og tónskáld

Hugi Þórðarson uppfærði 12.12.2014