Lára Bryndís Eggertsdóttir 10.10.1979-

Lára Bryndís er fædd í Reykjavík árið 1979 og ólst upp í Kópavogi. Sex ára gömul hóf hún nám í píanóleik, lengst af undir handleiðslu Árna Harðarsonar í Tónlistarskóla Kópavogs og síðar Halldórs Haraldssonar, og lauk 8. stigi frá Tónlistarskólanum í Reykjavík vorið 1998. Þá snéri hún sér að orgelnámi og eftir að hafa lokið stúdentsprófi frá Menntaskólanum í Reykjavík 1999 lauk hún 8. stigi á orgel ásamt kantorsprófi frá Tónskóla Þjóðkirkjunnar vorið 2001 og einleikaraprófi ári síðar, ásamt því að taka próf við Tónlistarháskólann í Piteå í Svíþjóð. Aðalkennarar hennar voru Hörður Áskelsson á Íslandi og prófessor Hans-Ola Ericsson í Svíþjóð. Einnig lauk Lára burtfararprófi í söng frá Söngskólanum í Reykjavík vorið 2004. Lára Bryndís hefur leikið á fjölmörgum meistaranámskeiðum á Íslandi og erlendis, meðal annars hjá Jennifer Bate, Harald Vogel, Mattias Wager, Daniel Roth, Michael Radulescu, Susan Landale og Winfried Bönig.

Lára Bryndís Eggertsdóttir er hugmyndasmiðurinn á bak við tónlistarverkefnið „Ég heyrði þytinn frá vængjum þeirra“ og stýrir framvindu þess harðri hendi. Hún er fyrst og fremst orgelleikari – með margvíslegt tónlistarnám að baki – og býr núna ásamt fjölskyldu sinni í Danmörku. Þegar Lára er ekki að fást við uppeldi barnanna þriggja (Ágúst Ísleifur 2008, Hekla Sigríður 2010 og Jörundur Ingi 2012), ásamt eiginmanni sínum Ágústi Inga Ágústssyni lækni og orgelleikara, reynir hún að koma íslenskri orgeltónlist á framfæri út um víðan völl auk þess að starfa sem organisti við Sønderbro kirkju í Horsens. Hún tekur einnig virkan þátt í tónlistarlífinu á Íslandi og heldur reglulega einleikstónleika bæði á höfuðborgarsvæðinu og víðar um landið. Lára hefur sérstaklega sterk tengsl við Langholtskirkju þar sem hún tók þátt í fjölbreyttu kórastarfi og lék fyrst í messu 14 ára gömul, og Hallgrímskirkju sem var aðalvettvangur orgelnáms hennar á Íslandi...

- - - - -

Lára Bryndís Eggertsdóttir was born in Reykjavík in 1979 and grew up in the suburb of Kópavogur. She began learning to play the piano at the age of six, but her first involvement with the organ was when, at the age of 14, she began playing at services in Langholtskirkja, one of the larger churches in Reykjavík, as a substitute organist. She later turned to this music entirely, completing her church music exam from the National Church School of Music (Reykjavík) in 2001 and her soloist diploma a year later, as well as a diploma from the Piteå School of Music (Luleå University of Technology) in Sweden. Her main teachers were Hörður Áskelsson in Iceland and professor Hans-Ola Ericsson in Sweden. A mere year after beginning her formal organ studies she held her first public concert on the then newly inaugurated organ in Langholtskirkja – she has since held many concerts both in Iceland and Denmark, including for the Hallgrímskirkja Friends of the Arts Society and the Langholtskirkja Art Society...

From the web Audiebam sonum alarum

Staðir

Söngskólinn í Reykjavík Tónlistarnemandi -2004
Tónlistarskóli Kópavogs Tónlistarnemandi -
Tónlistarskólinn í Reykjavík Tónlistarnemandi -1998
Menntaskólinn í Reykjavík Nemandi -1999
Tónskóli Þjóðkirkjunnar Tónlistarnemandi -2002

Tengt efni á öðrum vefjum

Nemandi, organisti, píanóleikari og tónlistarnemandi
Ekki skráð

Jón Hrólfur Sigurjónsson uppfærði 16.04.2016