Haraldur Reynisson (Halli Reynis) 01.12.1966-15.09.2019

For­eldr­ar Halla eru Reyn­ir Har­alds­son, múr­ara­meist­ari og leigu­bif­reiðar­stjóri í Reykja­vík (f. 3. júní 1942) og Jóna Gunn­laugs­dótt­ir, fyrr­ver­andi starfsmaður Rík­is­spít­al­anna (f. 9. janú­ar 1935).

Eldri syst­ur Halla eru Hjör­dís Kristjáns­dótt­ir (f. 1960) og Linda Björk Ólafs­dótt­ir (f. 1961). Tví­bura­bróðir Halla er Gunn­laug­ur Reyn­is­son.

Tón­list­ar­fer­ill Halla hófst árið 1991 og starfaði hann að mestu sem trúba­dor og við tónlist til árs­ins 2008 þegar hann sneri sér einnig að öðrum störf­um.

Hann var afar af­kasta­mik­ill tón­list­armaður, gaf m.a. út níu sóló­plöt­ur og kom sú fyrsta út árið 1993. Hann fór í fjöl­marg­ar tón­leika­ferðir og tók þátt í undan­keppni Evr­ópskra sjón­varps­stöðva í tvígang; í fyrra skiptið 2011 með lagið Ef ég hefði vængi og aft­ur árið 2014 með lagið Vinátta.

Halli lauk B.Ed-gráðu sem grunn­skóla­kenn­ari frá HÍ árið 2012 og árið 2015 út­skrifaðist hann með meist­ara­gráðu frá Menntavís­inda­sviði Há­skóla Íslands. Hann starfaði við gít­ar­kennslu um ára­bil og við tón­mennta­kennslu í Öldu­sels­skóla í Reykja­vík frá ár­inu 2008 til dán­ar­dags..

Byggt á andlátsfregn á Mbl.is 17. september 2019

Staðir

Háskóli Íslands Háskólanemi -2015
Ölduselsskóli Tónmenntakennari 2008-2019

Skjöl


Tengt efni á öðrum vefjum

Gítarkennari, háskólanemi, lagahöfundur og tónmenntakennari

Jón Hrólfur Sigurjónsson uppfærði 18.09.2019