Bylgja Dís Gunnarsdóttir 14.07.1973-

Bylgja Dís Gunnarsdóttir, sópran, lauk burtfararprófi frá Söngskólanum í Reykjavík árið 2003. Hún útskrifaðist svo frá Royal Scottish Academy of Music and Drama með Master in Music árið 2006 og Master in Opera í nóvember 2007 og hlaut þá Chevron Excellence Award fyrir framúrskarandi námsárangur.

Bylgja Dís hefur sungið eftirfarandi óperuhlutverk; Flora í La traviata með Íslensku óperunni, Lauretta í Gianni Schicchi sem var samstarfsverkefni RSAMD og Skosku óperunnar, Donna Anna í Don Giovanni með RSAMD og síðar sama hlutverk með Clonter Opera Theatre og Tatyana í Eugine Onegin með Brittish Youth Opera. Af kirkjulegum verkum má nefna Gloria eftir Poulenc, Messe Sollennelle eftir Gounod, Hear my prayer eftir Mendelssohn, Lincoln Mass eftri Úlfar Inga Haraldsson, Requiem eftir Fauré, Messa eftir Gunnar Þórðarsson o.fl.

Á námsárum sínum í Glasgow hlotnaðist henni sá heiður að syngja nokkrum sinnum með Royal Scottish National Orchestra. Bylgja Dís hefur einnig haldið fjölda einsöngstónleika og með öðrum söngvurum t.d. í Salnum Kópavogi, Norræna húsinu, Íslensku óperunni, Duushúsum og víðar.

Af vef Íslensku óperunnar (4. mars 2016)

Staðir

Tónlistarskóli Reykjanesbæjar Söngkennari -
Söngskólinn í Reykjavík Söngkennari -
Söngskólinn í Reykjavík Tónlistarnemandi -
Konunglegi tónlistarháskólinn í Skotlandi Háskólanemi -

Tengt efni á öðrum vefjum

Háskólanemi, söngkennari, söngkona og tónlistarnemandi
Ekki skráð

Jón Hrólfur Sigurjónsson uppfærði 7.03.2016