Sigurður Árnason (Siggi Árna) 12.12.1947-15.02.2020

... Sigurður ólst upp í Laugarneshverfi í Reykjavík og var farinn að spila í hljómsveitum áður en hann lauk gagnfræðaprófinu. Fyrsta skólahljómsveitin var Strengir, síðan lék hann með Tónum þar til hann stofnaði hljómsveitina Sálina árið 1968. Hún varð skammlíf og ári síðar var Sigurður meðal stofnenda Náttúru ásamt Jónasi R. Jónssyni söngvara, Rafni Haraldssyni trommuleikara og Björgvini Gíslasyni gítarleikara. Naut hljómsveitin mikilla vinsælda næstu árin og var Siggi jafnan kenndur við þá hljómsveit. Var hann kjölfestan í sveitinni ásamt Björgvini en meðal þeirra sem komu og fóru voru Sigurður Rúnar Jónsson (Diddi fiðla), Pétur Kristjánsson, Jóhann G. Jóhannsson, Shady Owens og Karl Sighvatsson.

Eftir að hafa leikið með Náttúru sneri Sigurður sér meira að upptökustjórn, m.a. hjá SG-hljómplötum og Hljóðrita. Hann var upptökustjóri á fyrstu plötu Bubba Morthens, Ísbjarnarblús, auk þess sem hann útsetti titillagið og lék á bassa í því. Seinna lærði Sigurður kerfisfræði og starfaði sem slíkur hjá Blindrafélaginu, RÚV og síðast Jarðfræðideild Háskóla Íslands...

Úr andlátsfregn í Morgunblaðinu 19. febrúar 2020, bls. 11

Hópar

Hópur 1 Stöður Frá Til
Náttúra Bassaleikari 1969-12
Sálin Bassaleikari 1967-10

Tengt efni á öðrum vefjum

Bassaleikari og upptökustjóri

Jón Hrólfur Sigurjónsson uppfærði 19.02.2020