<p><strong>Foreldrar:</strong> Sigurður Markússon, framkvæmdastjóri í Reykjavík, f. 16. sept. 1929 á Egilsstöðum, og k. h. Ingiríður Árnadóttir, f. 5. mars 1932 í Reykjavík.</p>
<p><strong>Námsferill:</strong> Gekk í Fossvogs-, Breiðagerðis- og Réttarholtsskóla í Reykjavík og lauk stúdentsprófi frá Verslunarskóla Íslands 1983; stundaði nám í kontrabassaleik við Tónlistarskóla Kópavogs og djassdeild Tónlistarskóla FÍH 1983-1986; stundaði nám við Tónlistarháskólann í Vínarborg 1986 hjá prófessor Ludwig Streicher og við Konservatorium der Stadt Wien hjá Andrew Ackermann 1987-1991 og lauk þaðan kennara- og lokaprófi 1991; stundaði hljóðupptökunám hjá School of Audio Engineering 1988-1989.</p>
<p><strong>Starfsferill:</strong> Var kontrabassaleikari í Sinfóníuhljómsveitinni í Barcelona á Spáni 1991-1992; lausráðinn kontrabassaleikari í Sinfóníuhljómsveit Ísland frá 1992; hefur leikið í hljómsveit Íslensku óperunnar og Þjóðleikhússins frá sama tíma og ennfremur með ýmsum djasshljómsveitum; var hljóðmaður við Ríkisútvarpið í námsleyfum 1989-1990; dagskrárgerðarmaður í tónlistardeild RÚV, umsjónarmaður Tónstigans og ýmissa annarra þátta 1995-1998 og hljóðmaður við Sjónvarpið frá 1999.</p>
<p align="right">Sjá nánar: Sinfóníuhljómsveit Íslands – saga og stéttartal, bls. 185. Sögusteinn 2000.</p>
Staðir
Hópar
