<p>Meðal óperuhlutverka Ingu má nefna Suor Angelica í samnefndri óperu eftir Puccini í uppfærslu óperusmiðjunnar og Frú Emilíu, hlutverk Mimiar í La Boheme í uppfærslu Borgarleikhússins og Óperusmiðjunnar og einsöng í Jörvagleði eftir Auði Bjarnadóttur og Hákon Leifsson í uppfærslu Svöluleikhússins. Þá hefur Inga sungið í Messíasi, óratoríu Händels, og í Árstíðunum eftir Haydn.</p>
<p>Inga var ráðin í hlutastarf hjá Neskirkju sem söngkennari og stjórnandi Kórs eldri félaga árið 1986. Hefur hún síðan starfað mikið sem söngvari innan vébanda þjóðkirkjunnar. "Lýrisk sópranrödd á vel við kirkjulega tónlist og ég hef sungið mikið á hátíðum og við jarðarfarir," segir Inga og bætir við að hún hafi öðlast mikla reynslu við að syngja við jarðarfarir en hún er félagi í Hljómkórnum, félagsskap tíu kunnra söngvara, sem sérhæfir sig í söng við slíkar aðstæður.</p>
<p>Inga hefur jöfnum höndum lagt stund á kirkjusöng, ljóðasöng og óperusöng frá því hún lauk söngkennaraprófi frá Söngskólanum í Reykjavík árið 1988. Hefur hún meðal annars komið fram sem einsöngvari með Pólýfónkórnum, Söngsveitinni Filharmóníu, Karlakór Reykjavíkur og Vox feminae.</p>
<p align="right">Úr fréttatilynningu í Lesbók Morgunblaðsins 11. nóvember 1995</p>
Staðir
Hópar
Tengt efni á öðrum vefjum
