Birgir H. Helgason 22.07.1934-16.08.2019

Foreldrar Birgis vour Helgi Stefánsson, bóndi á Þórustöðum í Öngulsstaðahreppi, og Jóhanna Jónsdóttir. Birgir lauk söngkennaraprófi árið 1959 og starfaði sem tónmenntakennari við Barnaskóla Akureyrar frá 1959 til 1998 og sem kennari við Tónlistarskólann á Akureyri, auk þess að gegna stöðu organista víða, s.s. við Glæsibæjarkirkju, Möðruvallakirkju í Hörgárdal, hjá kaþólska söfnuðinum á Akureyri og við sunnudagaskóla Akureyrarkirkju.

Birgir stjórnaði Kór Barnaskóla Akureyrar, söng við jólaguðsþjónustur í Akureyrarkirkju og söng inn á nokkrar hljómplötur. Birgir samdi einnig mörg laganna sem barnakórinn söng. Birgir samdi einnig lag við skólasöng Barnaskóla Akureyrar, Rís vor skóli hátt við himin. Kórinn sendi jafnframt frá sér nokkrar plötur undir stjórn Birgis og samdi Birgir nokkurn hluta þess efnis sem á plötunum var. Lög eftir hann voru t.a.m. á plötu með kórnum sem innihélt tvo stutta söngleiki. Þá á Birgir lög á nokkrum öðrum plötum og hafa nokkrar nótnabækur komið út með lögum hans.

Byggt á dánartilkynningu í Morgunblaðinu 21. ágúst 2019, bls. 11

Staðir

Barnaskóli Akureyrar Tónmenntakennari 1959-1998
Tónlistarskólinn á Akureyri Tónlistarkennari -
Glæsibæjarkirkja Organisti -
Möðruvallakirkja í Hörgárdal Organisti -

Jón Hrólfur Sigurjónsson uppfærði 21.08.2019