Ágúst Ármann Þorláksson 23.02.1950-19.09.2011

gúst Ármann Þorláksson fæddist á Skorrastað í Norðfirði 23.2. 1950. Hann var sonur hjónanna Þorláks Friðrikssonar og Jóhönnu Ármann.

Eftirlifandi eiginkona Ágústs er Sigrún Halldórsdóttir. Synir þeirra: Halldór Friðrik, Bjarni Freyr og Þorlákur Ægir.

Ágúst lauk tónmenntakennaraprófi frá Tónlistarskólanum í Reykjavík 1973, kantorsprófi frá Tónskóla þjóðkirkjunnar 2004, stundaði síðan framhaldsnám og sótti endurmenntun við Tónlistarskólann í Reykjavík og Tónskóla þjóðkirkjunnar 1995-96.

Ágúst kenndi við Tónlistarskólann á Akranesi og Brekkuskóla 1973-74, við Tónskóla Neskaupstaðar 1974-82, að einu ári undanskildu, kenndi þá við Tónlistarskóla Njarðvíkur 1977-78 og var þá organisti við Njarðvíkurkirkju, var skólastjóri Tónskóla Neskaupstaðar 1982-2010 og organisti Norðfjarðarkirkju og Mjóafjarðarkirkju á árunum 1974-77, 1980-85 og frá 1996 til dauðadags en organisti við Grafarvogskirkju 1995-96. Hann var forstöðumaður Kirkju- og menningarmiðstöðar Fjarðabyggðar á Eskifirði 2010-2011.

Ágúst var áratugum saman helsti forystumaður austfirsks tónlistarlífs, stjórnaði kirkjukórum, vann fyrir Kór Fjarðabyggðar og byggði upp Snælandskórinn, kór Kirkjukórasambands Austurlands, sem stjórnarmaður og formaður í Kirkjukórasambandinu. Báðum þessum kórum stjórnaði hann við ýmis tækifæri og fjölda annarra kóra. Ágúst hóf að leika fyrir dansi árið 1964 og var einn af stofnendum Blús-, rokk- og djassklúbbsins á Nesi (Brján)

Ágúst var formaður Þróttar og Starfsmannafélags Neskaupstaðar, sat í stjórn Sparisjóðs Norðfjarðar og í félagsmálaráði Neskaupstaðar í átta ár.

Ágúst hlaut menningarverðlaun Sambands sveitarfélaga á Austurlandi 2007.

Merkir Íslendingar. Morgunblaðið. 23. febrúar 2018, bls. 27

Var skólastjóri Tónlistarskóla Njarðvíkur 1977-1978. Eftir sameiningu sveitarfélaganna 1994 sameinaðist skóinn Tónlistarskóla Reykjanesbæjar.

Sjá nánar um Ágúst Ármann í Kennaratal á Íslandi, III. bindi bls. 73.

Staðir

	Skólastjóri	1977-1978
Barnaskólinn á Akranesi	Tónlistarkennari	1973-1974
	Tónlistarkennari	1974-1979
Njarðvíkurkirkja	Organisti	1977-1978
	Organisti	1990-2000
Neskirkja í Neskaupstað	Organisti	1975-2005
	Skólastjóri	1982-2011
Tónskóli Neskaupstaðar	Skólastjóri	1982-2011
Tónskóli Neskaupstaðar	Tónlistarkennari	1974-1979
Tónlistarskóli Reykjanesbæjar	Skólastjóri	1977-1978

Organisti, skólastjóri, tónlistarkennari og tónlistarmaður
Uppruni	Skorrastaður Norðfjörður   Suður-Múlasýsla     Ísland
Heimili	Neskaupstaður Norðfjörður   Suður-Múlasýsla     Ísland