Valdís Þórðardóttir 27.06.1920-13.02.2009

Valdís Þórðardóttir fæddist á Klúku í Miðdal í Strandasýslu, 27. júní 1920. Hún lést á dvalarheimilinu Silfurtúni í Búðardal 13. febrúar 2009. Foreldrar hennar voru Þórður Þórðarson, f. 9.12. 1883, d. 17.8. 1954, og Guðrún Finnbogadóttir, f. 10.3. 1885, d. 27.11. 1972, bændur á Klúku.

Valdís giftist árið 1958 Þorsteini Jóni Nordal Karlssyni, f. 21.4. 1916, d. 8.11. 2004.

Valdís ólst upp á Klúku. Skólaganga hennar var einungis þrír mánuðir en þrátt fyrir það hafði hún afburðagott vald á íslenskri tungu. Hún var hafsjór af fróðleik og hafði mikinn áhuga á ættfræði. Hún var í vist víða, m.a. á Akureyri snemma á 5. áratugnum hjá Sigurði Hlíðar alþingismanni og dýralækni og Guðrúnu konu hans. Liðagigt hrjáði hana frá unga aldri en þrátt fyrir það var hún ósérhlífin til verka og hafði fjölskylduna ávallt í fyrirrúmi. Hún sinnti ýmsum félagsstörfum og má þar nefna setu í barnaverndarnefnd, sóknarnefnd Skarðskirkju og lestrarfélagi sveitarinnar en bókakostur þess var á heimili hennar. Einnig söng hún í kirkjukórnum og Þorrakórnum og hafði afar góða söngrödd langt fram eftir aldri. Valdís og Þorsteinn bjuggu í Búðardal II, Skarðsströnd til ársins 2003 er þau fluttu á dvalarheimilið Silfurtún í Búðardal.

Morgunblaðið 21. febrúar 2009, bls. 34.

Heimildarmaður/flytjandi í eftirfarandi hljóðritum

8 hljóðrit
Dags Safnmark Efni Heimildarmenn #
16.02.2003 SÁM 04/4032 EF Heimildarmaður kynnir sig og segir frá uppruna sínum. Skólaganga, farkennsla, heimakennsla, heimavis Valdís Þórðardóttir 41107
16.02.2003 SÁM 04/4032 EF Námsefni Valdís Þórðardóttir 41108
16.02.2003 SÁM 04/4032 EF Aðbúnaður og skipulag í heimavistarskóla árið 1931 Valdís Þórðardóttir 41109
16.02.2003 SÁM 04/4032 EF Máltíðir og matarvenjur í heimavistarskóla árið 1931 Valdís Þórðardóttir 41110
16.02.2003 SÁM 04/4032 EF Lengd skóladags, frímínútur Valdís Þórðardóttir 41111
16.02.2003 SÁM 04/4032 EF Leikir skólabarna á heimavist Heydalsárskóla. Hljóðfæraleikur og söngur. Útileikir í frímínútum. S Valdís Þórðardóttir 41112
16.02.2003 SÁM 04/4032 EF Fullnaðarpróf. Árið sem einstaklingur fermdist tók hann svokallað fullnaðarpróf úr þeim fögum sem þá Valdís Þórðardóttir 41113
16.02.2003 SÁM 04/4033 EF Töðugjöld Valdís Þórðardóttir 41114

Tengt efni á öðrum vefjum

Hugi Þórðarson uppfærði 12.12.2014