Oddur Arnþór Jónsson 26.10.1983-

Oddur Arnþór stundaði nám við Söngskólann í Reykjavík hjá Ólöfu Kolbrúnu Harðardóttur og Alex Ashworth og lauk burtfararprófi með ágætiseinkunn. Hann lauk meistaragráðu frá Universität Mozarteum í Salzburg, Austurríki vorið 2014 og hlaut Lilli Lehmann-viðurkenninguna fyrir framúrskarandi meistarapróf í óperusöng. Kennarar hans við skólann voru Andreas Macco, Martha Sharp, Eike Gramss, Gernot Sahler, Breda Zakotnik og Julia Pujol.

Oddur hefur hlotið fjölda viðurkenninga í alþjóðlegum keppnum. Hann sigraði Brahms-keppnina í Pörtschach í Austurríki; varð þriðji í Schubert-keppninni í Dortmund og þriðji í Musica Sacra-keppninni í Róm. Hann fékk Schubert-verðlaunin og verðlaun fyrir besta ljóða- og óratóríuflytjandann í Francesc Viñas-keppninni í Barcelona. Hann söng í úrslitum Belvedere-keppninnar og í alþjóðlegu Mozart-keppninni. Oddur hefur sungið Greifann í Brúðkaupi Fígarós, Guglielmo í Così fan tutte, Belcore í Ástardrykknum, Orest í Iphigenie auf Tauris eftir C. W. Gluck, Kaiser í Kaiser von Atlantis eftir V. Ullmann og Herald í The Burning Fiery Furnace eftir B. Britten. Sumarið 2013 var Oddur varamaður í Don Carlo fyrir Rodrigo á tónlistarhátíðinni í Salzburg. Sem einsöngvari hefur Oddur sungið Jesús í Jóhannesarpassíunni, bassahlutverkin í H-moll messunni og Jólaóratóríunni eftir Bach. Hann hefur einnig sungið kantötur og messur eftir Bach og Mozart. Í haust söng hann í fyrsta sinn við Íslensku óperuna, hlutverk Rodrigo í Don Carlo, og var útnefndur Bjartasta vonin á Íslensku tónlistarverðlaununum í vor. Í febrúar síðastliðnum söng hann Lied von der Erde eftir Mahler í Garnier-óperunni í París í ballettuppsetningu John Neumeier.

Af vef Íslensku óperunnar (13. nóvember 2015)

- - - - -

Icelandic baritone Oddur Jonsson studied Master Opera and Master Lied and Oratorio with Prof. Andreas Macco and Prof. Martha Sharp at Mozarteum University Salzburg, where he graduated with distinction. He was also awarded the Lilli Lehmann Medal from the Mozarteum International Foundation. He made his debut at the Icelandic Opera as Rodrigo in Verdi’s Don Carlo, for which he was awarded the Brightest Hope in the category classical and contemporary music and nominated as the male singer of the year at the Icelandic Music Awards. He has sung the roles of Conte Almaviva in Le nozze di Figaro, Guglielmo in Così fan tutte, Belcore in L’elisir d’amore, Kaiser Overall in Ullmann’s Kaiser von Atlantis, Oreste in Gluck’s Iphigènie en Tauride, Ned Keene in Peter Grimes and The Herald in The Burning Fiery Furnace by B. Britten...

Staðir

Söngskólinn í Reykjavík Tónlistarnemandi -
Mozarteum tónlistarháskólann í Salzburg Háskólanemi -2014

Tengt efni á öðrum vefjum

Háskólanemi, söngvari og tónlistarnemandi
Ekki skráð

Jón Hrólfur Sigurjónsson uppfærði 18.03.2016