Jón Hjaltason (Jón Eðvarð Hjaltason) 16.01.1948-01.02.2013
Foreldrar: Hjalti Ólafur Jónsson, múrari í Reykjavík, f. 5. okt. 1926 í Vestmannaeyjum, og k. h. Halldóra Þórunn Sveinbjörnsdóttir, starfsmaður á skrifstofu Borgarbókasafns Reykjavíkur, f. 14. sept. 1926 í Uppsölum, Seyðisfirði vestra, Norður-Ísafjarðarsýslu.
Námsferill: Gekk í Breiðagerðis- og Réttarholtsskóla í Reykjavík og stundaði nám við Menntaskólann í Reykjavík; stundaði nám í Drengjalúðrasveit Reykjavíkur; lauk blásarakennaraprófi frá Tónlistarskólanum í Reykjavík 1972; trompetkennaraprófi og einleikaraprófi í trompetleik frá Birmingham Conservatory of Music, Englandi 1975.
Starfsferill: Var lausráðinn trompetleikari í Sinfóníuhljómsveit Íslands 1971-1972 og 1975-1992; trompetleikari í Íslensku hljómsveitinni 1982-1984; við Þjóðleikhúsið 1978-1991; hljómsveit Íslensku óperunnar 1981-1992 og Welsh National Opera 1974-1975; var trompetkennari við Tónlistarskóla Hafnarfjarðar og Tónlistarskóla Kópavogs 1971-1972; kennari á málmblásturshljóðfæri við Bablake School í Coventry, Englandi, 1973-1975; trompetkennari við Tónskóla Sigursveins D. Kristinssonar og Tónlistarskóla Hafnarfjarðar 1976-1980 og við Tónlistarskóla Kópavogs; skólastjóri Tónlistarskóla Grindavíkur 1976-1989, Skólahljómsveitar Grafarvogs frá 1992 og Tónskóla grunnskólanna í Grafarvogi frá 1996-2007.
Sjá nánar: Sinfóníuhljómsveit Íslands – saga og stéttartal, bls. 209-210. Sögusteinn 2000.
Hópar
| Hópur 1 | Stöður | Frá | Til |
|---|---|---|---|
| Skólahljómsveit Grafarvogs | Stjórnandi | 1993 | 2007 |
Tengt efni á öðrum vefjum
| Skólastjóri, stjórnandi, trompetleikari og tónlistarkennari | |
| Ekki skráð | |
Jón Hrólfur Sigurjónsson uppfærði 22.01.2015