Bragi Bergþórsson 16.04.1981 -

Bragi hóf ungur tónlistarnám á fiðlu og píanó en söng í fyrsta skipti á sviði í barnakór í óperunni Othello í Íslensku Óperunni árið 1992. Hann söng einnig með Hamrahlíðarkórunum og sneri sér að söngnámi árið 2002 í Tónlistarskólanum í Reykjavík hjá Dr. Þórunni Guðmundsdóttur og lauk þaðan 5. stigi. Árið 2004 hélt hann til Lundúna þar sem hann stundaði meistaranám við Guildhall School of Music & Drama hjá Adrian Thompson og Rudolf Piernay. Þar lauk hann M.mus gráðu 2005 og svo 2 ára námi við Óperudeild skólans 2007. Hann hefur einnig setið og tekið þátt í ýmsum masterklössum, m.a. hjá sir Thomas Allen, Kristjáni Jóhannssyni, Elly Ameling, Jorma Hynninen, Dalton Baldwin og Helmut Deutsch.

Bragi hefur komið fram í ýmsum óperuhlutverkum, svo sem Lenskí í Évgení Ónégin (Tsjækofskí), Idamante í Idomeneo (Mozart), Edwin í Sardasfurstynjunni (Kálmán), Baron Kronthal í Der Wildschütz (Lortzing), Flamand í Capriccio (Strauss) og Don Ottavio í Don Giovanni (Mozart). Hann hefur komið fram á tónleikum víðsvegar og sungið suma af stærstu flokkum ljóðatónlistarinnar, ss. Dichterliebe (Schumann) og Schwanengesang (Schubert). Einnig hefur hann tekið þátt í uppfærslum á óratoríum eins og Messíasi (Händel), Requiem (Mozart), Sinfóníu nr. 4 (Schnittke) og Passio (Pärt). Bragi er nú fastráðinn við óperuhúsið í Stralsund, Theater Vorpommern og meðal hlutverka fyrir starfsárið 2012-2013 eru Don Ottavio (Don Giovanni), Wenzel (Kleider machen Leute) og Zarewitsch (Der Zarewitsch).

Af vefsíðu Braga (desember 2013)

Staðir

Réttarholtsskóli Nemandi -
Menntaskólinn við Hamrahlíð Nemandi -
Háskólinn í Reykjavík Háskólanemi -
Tónlistarskólinn í Reykjavík Tónlistarnemandi -
Guildhall School of Music and Drama Háskólanemi -2007

Tengt efni á öðrum vefjum

Háskólanemi, nemandi, söngvari og tónlistarnemandi
Ekki skráð

Jón Hrólfur Sigurjónsson uppfærði 17.03.2016