Hlöðver Sigurðsson 21.11.1973-

Hlöðver er fæddur á Siglufirði. Á unglingsárum stundaði hann nám á trompet við Tónlistarskóla Siglufjarðar og tók svo upp þráðinn að nýju árið 1997 þegar hann hóf söngnám hjá Antoníu Hevesi. Hlöðver lauk 8. stigs prófi frá Tónlistarskóla Siglufjarðar í apríl árið 2001.

Veturinn 2001-2002 stundaði Hlöðver framhaldsnám við Guildhall School of Music and Drama í London, þar sem aðalkennari hans var prof. Rudolf Piernay. Frá árinu 2002-2007 stundaði Hlöðver nám við Mozarteum tónlistarháskólann í Salzburg Austurríki þar sem aðalkennari hans var prof. Martha Sharp. Hlöðver var einnig í ljóða- og óratóríudeild skólans þar sem hann naut leiðsagnar prof. Wolfgang Holzmair.

Hlöðver hefur frá árinu 2007 stundað einkanám hjá Kristjáni Jóhannssyni á Ítalíu. Helstu hlutverk Hlöðvers eru Don Ottavio (Don Giovanni), Belfiore (La finta giardiniera), Basilio og Don Curzio (Le nozze di Figaro), Bastien (Bastien und Bastienne), Monsieur Vogelsang (Der Schauspieldirektor) eftir Mozart, einnig Ernesto (Don Pasquale) eftir Donizetti og Alfredo (La traviata) eftir Verdi.

Hlöðver hefur tekið þátt í fjölmörgum tónleikum og haldið einsöngstónleika heima og erlendis, meðal annars í Ungverjalandi, Frakklandi, Austurríki og Ítalíu. Hann hefur einnig þrisvar tekið þátt í Þjóðlagahátíðinni á Siglufirði.

Af vef Íslensku óperunnar (17. mars 2016)

Staðir

Tónskóla Fjallabyggðar Tónlistarnemandi -2001
Guildhall School of Music and Drama Háskólanemi 2001-2002
Mozarteum tónlistarháskólann í Salzburg Háskólanemi 2002-2007

Tengt efni á öðrum vefjum

Háskólanemi, söngvari og tónlistarnemandi
Ekki skráð

Jón Hrólfur Sigurjónsson uppfærði 17.03.2016