Jóhann Kristinsson 06.05.1988-

Jóhann Kristinsson lauk áttunda stigs prófi frá Söngskólanum í Reykjavík vorið 2013. Hann hóf þar nám haustið 2009 hjá Bergþóri Pálssyni. Árið 2011 veittist Jóhanni styrkur til söngnáms úr Minningarsjóði Vilhjálms Vilhjálmssonar og var það í fyrsta skipti sem veitt var úr sjóðnum.

Jóhann fór með hlutverk séra Torfa í óperunni Ragnheiði eftir Gunnar Þórðarson og Friðrik Erlingsson við frumflutning hennar í Skálholti þann 16. ágúst 2013 og hlaut verkið afar jákvæðar viðtökur. Seinna það ár þreytti hann frumraun sína sem einsöngvari á sviði Íslensku óperunnar í hlutverki Morales í óperunni Carmen eftir Georges Bizet. Hann hefur verið í kjarnakór Íslensku óperunnar frá árinu 2012.

Í október síðastliðinn [2014] hélt Jóhann einsöngstónleika á vegum tónleikaraðarinnar „Eflum ungar raddir” í Hörpu ásamt Steinunni Birnu Ragnarsdóttur. Þar fluttu þau nokkur íslensk sönglög, ljóð eftir Schumann, Wolf og Strauss og þrjár óperuaríur.

Af vef Íslensku óperunnar (17. mars 2016)

Staðir

Söngskólinn í Reykjavík Tónlistarnemandi -2013
Hanns Eisler tón­list­ar­há­skól­i í Berlín Háskólanemi -

Tengt efni á öðrum vefjum

Háskólanemi, söngvari og tónlistarnemandi
Ekki skráð
Ekki skráð

Jón Hrólfur Sigurjónsson uppfærði 17.03.2016