<p>Lilja María hóf nám í fiðluleik við Tónskóla Sigursveins D. Kristinssonar fjögurra ára að aldri hjá Sigríði Helgu Þorsteinsdóttur. Seinna stundaði hún nám hjá Helgu Steinunni Torfadóttur, Aðalheiði Matthíasdóttur, Bryndísi Pálsdóttur og Unu Sveinbjarnardóttur. Hún lauk 6. stigi árið 2008 frá Tónlistarskólanum í Reykjavík.</p>
<p>Tíu ára gömul hóf hún nám í píanóleik hjá Þórunni Huldu Guðmundsdóttur við Tónskóla Sigursveins. Hún lauk fram- haldsprófi þaðan vorið 2013 og hóf nám við Listaháskóla Íslands um haustið sama ár hjá Peter Máté. Hún hefur tekið þátt í ýmsum meistaranámskeiðum, meðal annars hjá Víkingi Heiðari Ólafssyni, Nínu Margréti Grímsdóttur, Eddu Erlendsdóttur, Megumi Masaki og Birgittu Wollenweber.</p>
<p align="right">Af vef Sinfóníuhljómsveitar Íslands - Ungir einleikarar 15. janúar 2015</p>
Staðir
Tengt efni á öðrum vefjum
