Anna Málfríður Sigurðardóttir 17.11.1948-

Anna Málfríður Sigurðardóttir er Ísfirðingur að uppruna og hóf tónlistarnám við Tónlistarskóla Ísafjarðar, þar sem Ragnar H. Ragnar var aðal píanókennari hennar. Framhaldsnám stundaði hún við Guildhall School of Music and Drama í London og útskrifaðist þaðan sem einleikari og kennari árið 1971. Hún stundaði síðan áframhaldandi nám hjá prófessor Brigitte Wild til ársins 1974, en prófessor Wild var fyrrum nemandi hins heimskunna píanóleikara Claudio Arrau.

Frá 1974 hefur Anna starfað sem píanókennari og píanóleikari, bæði á Íslandi og erlendis, nú síðast sem kennari og meðleikari við Tónskóla Sigursveins og Tónlistarskóla Reykjanesbæjar. Hún hefur einnig verið leiðbeinandi á námskeiðum í píanóleik.

Anna Málfríður hefur haldið tónleika víðsvegar, bæði hér heima og erlendis og komið fram sem einleikari, m.a. með Sinfóníuhljómsveit Íslands og Sinfóníuhljómsveitinni í Trier en einnig verið virk í kammermúsík og meðleik.

Listasafn Sigurjóns Ólafssonar – Sumartónleikar 7. ágúst 2012.

Sjá einnig Kennaratal á Íslandi, III. bindi bls. 41.

Staðir

Tónlistarskóli Ísafjarðar	Píanókennari	1965-1967
Richmond School of Music	Píanókennari	1972-1974
Tónlistarskóli Ísafjarðar	Tónlistarnemandi	1954-1966
Guildhall School of Music and Drama	Háskólanemi	1967-1971
Tónlistarskólinn á Akureyri	Píanókennari	1974-1979
Tónlistarskóli Kópavogs	Píanókennari	1979-1987
Tónskóli Sigursveins	Píanókennari	1992-

Skjöl

Háskólanemi, píanókennari, píanóleikari, tónlistarmaður og tónlistarnemandi
Uppruni	Ísafjörður Norður-Ísafjarðarsýsla   Ísland
Heimili	Reykjavík Gullbringusýsla   Ísland