Jón Rafnsson 17.06.1958-

Tónlistarmenntun Jóns var í fyrstu sjálfsnám á rafbassa og gítar með tilheyrandi spilamennsku á sveitaböllum á Suðurlandinu. Frá 1976 og fram til ársins 1983 stundaði hann klassískt tónlistarnám við Tónskóla Sigursveins D. Kristinssonar, á fiðlu, píanó og kontrabassa og síðan framhaldsnám í kontrabassaleik hjá Thorvald Fredin í Stokkhólmi. Jón lauk tónlistarkennaraprófi frá SMI (Stockholms musikpedagogiska institut), þar sem aðalnámsgreinar voru almenn kennslufræði og kontrabassi auk kór- og hljómsveitarstjórnar. Hann hefur allt frá því hann flutti heim frá Svíþjóð 1990 verið virkur í íslensku tónlistarlífi og leikið jöfnum höndum ýmsu tónlistarstíla; jazz, blús, rokk, klassík, með danshljómsveitum, unnið í leikhúsum, bæði sem tónlistarstjóri og hljóðfæraleikari auk þess að leika inn á fjölda geisladiska. Jón leikur með tríóunum Guitar Islancio, Hot Eskimos og Delizie Italiane auk fleiri tilfallandi tónlistarverkefna og kennir við Tónlistarskóla Hafnarfjarðar.

Af síðu um Jón á vef JR Music ehf.

Hópar

Hópur 1 Stöður Frá Til
Guitar Islancio Bassaleikari 1998
Hot Eskimos Kontrabassaleikari 2010
Tríó Björns Thoroddsen Kontrabassaleikari

Tengt efni á öðrum vefjum

Jón Hrólfur Sigurjónsson uppfærði 19.02.2018