Júlíus Geirmundsson 26.05.1884-06.05.1962

<p>Júlíus fæddist á Látrum í Aðalvík en kona hans Guðrún Jónsdóttir (18.06.1884-24.03.1951) að Steinstúni í Árneshreppi. Þau gengu í hjónaband 23. september 1905 og fluttu að Atlastöðum í Fljótavík vorið 1906 ásamt Jósep Hermannssyni og konu hans Margréti Katrínu Guðnadóttur.</p> <p>Fyrstu sjö til átta árin voru báðar fjölskyldurnar búsettar í gamla bænum á bæjarhól. Fyrsta húsið sem Júlíus byggði var reist 1912 og í því var búið til vorsins 1942. Þetta var íbúðarhús, skemma og gripahús.</p> <p>Atlastaðabændur réru til fiskjar vor og haust og einnig á sumrin þegar hægt var. Til ársins 1925 réru þeir aðallega út frá Látrum og Skáladal en eftir það aðeins frá Atlastöðum.</p> <p>Árið 1942 byggði Júlíus myndarlegt íbúðar- og útihús úr rekaviði sem allur var fluttur neðan frá sjó og sagaður í höndunum, stendur grunnur þess óhaggaður ennþá og býður þess að byggt verði ofan á hann. Þá var vatnsleiðsla lögð, reist 12 volta vindrafstöð og talstöð sett upp og heyrðist þá í fyrsta sinn, „Ísafjörður, Fljótavíkurradíó kallar“.</p> <p>16. júní 1946 var erfiður dagur en þá þurftu þau að yfirgefa heimabyggð sína, þar sem þau höfðu búið samfellt í fjóra áratugi. Þau fluttu til Ísafjarðar og áttu heima á Brunngötu 12 allt til dauðadags.</p> <p>Júlíus var hraustmenni, glaðvær og skemmtilegur og gott að vera í návist hans. Guðrún var mikill dugnaðarforkur, gestrisin og hin mesta sómakona.</p> <p align="right">Keflavík 4. mars 2002. Júlíus R. Högnason.</p>

Heimildarmaður/flytjandi í eftirfarandi hljóðritum

Skjöl

Uppruni	Látrar Aðalvík   Norður-Ísafjarðarsýsla     Ísland
Heimili	Ísafjörður Norður-Ísafjarðarsýsla   Ísland