Tónskóli Þjóðkirkjunnar Tónlistarskóli

Tónskóla þjóðkirkjunnar er ætlað að halda uppi kennslu í kirkjutónlist og litúrgískum fræðum og mennta organista til starfa við kirkjur landsins. Boðið er uppá fjórar námsbrautir; Kirkjuorganistapróf sem veitir réttindi til starfa við minni kirkjur, Kantorspróf sem veitir starfsréttindi til að starfa sem organisti innan Þjóðkirkjunnar, Einleiksáfanga og BA-gráða í kirkjutónlist sem kennd er í samvinnu við Listaháskóla Íslands. Helstu námsgreinar skólans eru orgelleikur, litúrgískt orgelspil, kórstjórn, söngur, sálma & helgisiðafræði, kirkjusöngfræði, kirkjufræði og orgelsmíði. Skólinn hefur starfað allt frá stofnun embættis söngmálastjóra 1941 en hét þá Söngskóli þjóðkirkjunnar og starfaði í formi námskeiða. Síðar var nafni skólans breytt og hann rekinn sem níu mánaða tónlistarskóli.

Af vef Tónskóla Þjóðkirkjunnar.

Fólk


Tengd hljóðrit


Tengt efni á öðrum vefjum

Jón Hrólfur Sigurjónsson uppfærði 14.06.2016