Tónheimar Tónlistarskóli

Tónheimar voru stofnaðir árið 2001 af skólastjóranum Ástvaldi Traustasyni. Hann rekur skólann í dag ásamt Gyðu Dröfn Tryggvadóttur, sem er framkvæmdastjóri skólans og sér um daglegan rekstur.

Kennt er eftir bókstafshljómum og inn í námið blandast tón-og hljómfræði. Nemendum er skipt niður í hópa eftir aldri, getu og áhugasviði. Fjórir nemendur eru saman í tíma. Hver nemandi hefur eigið rafmagnspíanó til afnota. Bæði kennari og nemendur hafa síðan heyrnartól og getur kennarinn hlustað og talað við hvern nemanda fyrir sig.

Reynslan sýnir að nemendur sem læra í hóp ná jafnvel betri árangri en þeir sem læra á hefðbundinn hátt. Nemandi fær jákvæða hvatningu frá hinum í hópnum.

Tónheimar hafa þá sérstöðu að kenna rytmíska tónlist eftir eyranu. Námið er hagnýtt og hentar fólki á öllum aldri, jafnt byrjendum sem lengra komnum. Yngstu nemendur Tónheima eru 6 ára og þeir elstu komnir yfir áttrætt. Nemendum er skipt niður í litla hópa eftir aldri, getu og áhugasviði.

Tónheimar er framsækinn tónlistarskóli sem hefur það markmið að gera tónlistarnám aðgengilegt fyrir sem flesta. Skólinn hefur sérstöðu meðal tónlistarskólanna og þjónar þeim sem vilja stunda rytmískt tónlistarnám.

Sjá nánar á vef Tónheima.

Fólk

Færslur: 1

Nafn Tengsl
Ástvaldur Traustason Skólastjóri, 2001-

Tengd hljóðrit


Tengt efni á öðrum vefjum

Jón Hrólfur Sigurjónsson uppfærði 19.01.2015