Tónmenntaskóli Reykjavíkur Tónlistarskóli

Frá stríðslokum höfðu verið starfandi barnadeildir eða undirbúningsdeildir fyrir börn í Tónlistarskólanum í Reykjavík. Frumkvæði að stofnun þessara barnadeilda hafði dr. Heinz Edelstein en hann hafði verið ráðinn sem sellókennari og kennari í kammermúsík að skólanum haustið 1938, auk þess að vera ráðinn sellóleikari við nýstofnaða Hljómsveit Reykjavíkur.

Barnadeildirnar í Tónlistarskólanum uxu jafnt og þétt næstu árin og starfsemin varð æ umfangsmeiri. Um 1950 fór Heinz Edelstein að huga að nýjum ramma eða skipulagsgrundvelli fyrir þessa starfsemi. Í júní 1951 lagði hann „Tillögur um alþýðlegan músíkskóla“ fyrir fræðslumálastjóra. Þessar tillögur hlutu góðan hljómgrunn og voru samþykktar af fræðslumálastjórn. Ragnar Jónson forstjóri og menningarfrömuður sýndi þessu máli mikinn áhuga og styrkti Heinz Edelstein til námsdvalar í Þýskalandi veturinn 1951-52 í þeim tilgangi að hann kynnti sér það sem efst var á baugi þar í tónlistaruppeldismálum.

Haustið 1952 var skólinn formlega stofnaður og hlaut nafnið Barnamúsíkskólinn. Í skólaráði voru dr. Páll Ísólfsson skólastjóri Tónlistarskólans í Reykjavík, Ragnar Jónsson forstjóri, dr. Róbert Abraham Ottósson hljómsveitarstjóri og Ingólfur Guðbrandsson kórstjóri. Skólinn tók til starfa í september 1952.

Dr. Heinz Edelstein var skólastjóri frá stofnun skólans til vors 1956. Eftirmaður hans Ingólfur Guðbrandsson stýrði skólanum veturinn 1956-57 en þá tók dr. Róbert Abraham Ottósson við stjórn skólans til vorsins 1961. Veturinn 1961-62 veitti Jón G. Þórarinsson skólanum forstöðu en frá hausti 1962 hefur Stefán Edelstein verið skólastjóri skólans.

Í upphafi voru aðeins tveir kennarar við skólann, Heinz Edelstein og Róbert Abraham Ottósson. Sinntu þeir allri kennslu við skólann fram til vorsins 1955. Smám saman bættust við fleiri kennarar eftir því sem skólinn dafnaði og nemendum fjölgaði.

Á fyrstu árum skólans voru kennsluáætlanir þannig að nemendum var kennt í hópum í minnst þrjú ár. Lögð var áhersla á söng, hreyfingu og grundvallaratriði tónfræðinnar en nemendur gátu einnig stundað hljóðfæranám í smáhópum, annað hvort á píanó, blokkflautu eða einföld strengjahljóðfæri. Smám saman breyttist námskipan og kennsluhættir. Árið 1977, þegar gamli Barnamúsíkskólinn flutti í húsnæði gagnfræðaskólans við Lindargötu og tók upp nafnið Tónmenntaskóli Reykjavíkur var núverandi skipulagi komið á...

Úr námskrá Tónmenntaskólans – Forsaga og þróun – sem birt er á vef skólans (15. janúar 2015).

Fólk

Færslur: 31

Nafn Tengsl
Auður Hafsteinsdóttir Tónlistarnemandi, 1971-1978
Ágústa Hauksdóttir Píanókennari, 1974-
Áskell Másson Tónlistarnemandi
Áslaug Bergsteinsdóttir Tónlistarkennari, 1973-1975
Brjánn Ingason Tónlistarnemandi
Dóra Björgvinsdóttir Tónlistarnemandi
Fiðlukennari
Edda Rún Ólafsdóttir Fiðlukennari
Einar Jóhannesson Tónlistarnemandi, 1957-
Erla Stefánsdóttir Tónlistarnemandi
Píanókennari
Gunnar Egilson Klarinettukennari, 1958-1960
Heinz Edelstein Skólastjóri, 1952-1959
Helga Kristbjörg Guðmundsdóttir Harmonikukennari
Helga Þóra Björgvinsdóttir Tónlistarnemandi
Jóhann Friðgeir Valdimarsson Tónlistarnemandi
Jón Gísli Þórarinsson Tónlistarkennari, 1958-1961
Skólastjóri, 1961-1962
Skólastjóri, 1961-1962
Júlíana Elín Kjartansdóttir Tónlistarnemandi
Katrín Sigríður Árnadóttir Fiðlukennari, 1974-1975
Kjartan Óskarsson Tónlistarkennari, 1982-1984
Kristján Hrannar Pálsson Tónlistarnemandi, 1994-1999
Margrét Kristín Blöndal Tónlistarnemandi
Margrét Kristjánsdóttir Tónlistarnemandi, 1973-
María Huld Markan Sigfúsdóttir Tónlistarnemandi
Matthildur Anna Gísladóttir Tónlistarnemandi, 1991-1999
Olga Björk Ólafsdóttir Tónlistarnemandi, 1980-
Róbert Abraham Ottósson Skólastjóri, 1952-1956
Rósa Hrund Guðmundsdóttir Tónlistarnemandi
Sigríður Thorlacius Tónlistarnemandi
Sigrún Eðvaldsdóttir Tónlistarnemandi, 1972-
Stefán Edelstein Skólastjóri, 1962-
Sölvi Kolbeinsson Tónlistarnemandi, 2002-2010
Þórunn Gréta Sigurðardóttir Píanókennari

Tengd hljóðrit


Tengt efni á öðrum vefjum

Jón Hrólfur Sigurjónsson uppfærði 6.07.2016