Ensími Rokksveit

Hljómsveitin Ensími var stofnuð árið 1996. Upphafsmenn og stofnendur voru Hrafn Thoroddsen og Jón Örn Arnarson. Þeir félagar höfðu getir sér gott orð sem meðlimir í einni vinsælustu rokkhljómsveit landsins á þessu tíma en langaði breyta til að gera eitthvað nýtt og spennandi. Eftir tímabil tilrauna með hljóðsmala og rafmagnsgítara fór tónlistin að taka á sig mynd.

Útgáfusamningur var gerður við Dennis/Skífuna um útgáfu á fyrstu plötum hljómsveitarinnar. Fyrsta plata Ensími leit dagsins ljós í október 1998 og hlaut nafnið Kafbátamúsik. Platan fékk frábærar viðtökur og í framhaldi af því fékk hljómsveitin tvenn verðlaun á Íslensku Tónlistarverðlaununum fyrir það árið; sem bjartasta vonin og einnig var lagið Atari valið lag ársins. Í tónlistaruppgjöri síðustu aldamóta var platan einnig tilnefnd sem Plata aldarinnar.

Árið 1999 var hafist handa við gerð annarar plötu sveitarinnar. Upptökustjórinn heimsþekkti Steve Albini sem er best þekktur fyrir vinnu sína með hljómsveitum og listamönnum eins og Pixies, Nirvana og Page & Plant (Led Zeppelin) lýsti áhuga sínum á að vinna með Ensími og kom hann til landsins og hljóðritaði hluta plötunnar sem síðan hlaut nafnið BMX og kom hún út á haustmánuðum 1999. Platan fékk góð viðbrögð og varð margverðlaunuð líkt og Kafbátamúsík árinu áður. Ensími sýndi og sannaði með þessari útgáfu að hún var komin til að vera.

Eftir útgáfu BMX tók við tímabil þar sem hljómsveitn Ensími var dugleg við að kynna sig víða erlendis. Farið var í tónleikaferðir víða um Bandaríkin og Skandinavíu og áhugi erlendra útgáfufyrirtækja á hljómsveitinni töluverður.

Árið 2001 var ákveðið að ráðast í gerð þriðju plötunnar. Ákveðið var að vinna þessa plötu með öðrum hætti en hinar tvær. Hljómsveitin ákvað að koma sér upp eigin hljóðveri og stýra sjálfir upptökum. Í október 2002 kom síðan út platan Ensími á vegum HITT/ Eddu og er þetta fyrsta plata Ensími sungin á ensku.

Hljómsveitin hefur fengið einstaka dóma fyrir nýjustu plötu sína og er hljómsveitin enn og aftur tilnefnd til Íslensku tónlistarverðlaunana, bæði sem flytjandi ársins og fyrir myndbandið við lagið Brighter sem er tilnefnt í flokknum myndband ársins.

Árið 2003 hætti Jón Örn trommari í hljómsveitinni og í hans stað settist Arnar Gíslason, sem hafði verið að spila með Stolía, Bang gang o.fl.

Af Tónlist.is (10. júní 2015)

Meðlimir

Nafn Staða Frá Til
Arnar Þór Gíslason Trommuleikari 2003
Franz Gunnarsson Söngvari og Gítarleikari
Guðni Finnsson Söngvari og Bassaleikari
Hrafn Thoroddsen Söngvari og Gítarleikari 1996
Jón Örn Arnarson Trommuleikari 1996 2003
Þorbjörn Sigurðsson Söngvari og Hljómborðsleikari

Tengt efni á öðrum vefjum

Jón Hrólfur Sigurjónsson uppfærði 11.06.2015