Spilmenn Ríkínís Miðaldatónlist

Spilmenn Ríkínís er fjölskylduhljómsveit. Æfingar hafa farið fram í borðstofu í vesturbæ Reykjavíkur en einnig í Garðshorni í Ólafsfirði, á Hólum í Hjaltadal og Kongegården í Korsør í Danmörku. Fyrstu tónleikar Spilmanna Ríkínís voru á tónlistarhátíðinni Berjadagar í ágúst 2006. Þeir hafa síðan komið fram á fjölda tónleika, norðan heiða og sunnan. Viðfangsefni Spilmanna hefur verið flutningur tónlistar úr gömlum íslenskum bókum og handritum með hljóðfærum sem vitað er að til voru á Íslandi fyrr á öldum. Hvort tónlistin hljómar eins og þá er alls óvíst, en sá hljómur sem verður til þegar sungið er og leikið á þessi gömlu hljóðfæri kveikir tilfinningu í brjóstinu, líkt og sofinn strengur sé sleginn á ný. Líkt því sem við göngum til móts við veruleika sem alltaf hefur búið með okkur en við þekktum þó ekki.

Meðlimir:

  • Ásta Sigríður Arnardóttir
  • Halldór Bjarki Arnarson
  • Sigursveinn Magnússon
  • Marta Guðrún Halldórsdóttir
  • Örn Magnússon

Af FaceBook-síðu Spilmanna Ríkínís.

Meðlimir

Nafn Staða Frá Til
Halldór Bjarki Arnarson 2006
Marta Guðrún Halldórsdóttir 2006
Sigursveinn Magnússon 2006
Örn Magnússon 2006

Tengt efni á öðrum vefjum

Jón Hrólfur Sigurjónsson uppfærði 20.07.2015