Voces Thules Sönghópur og Miðaldatónlist

Sönghópurinn Voces Thules var stofnaður 1991 og hefur náð að skipa sér sess sem einn helsti tónlistarhópur á Íslandi á sínu sviði. Í fyrstu einbeittu Voces Thules sér að flutningi á enskum og frönskum fjölradda söngvum frá 14.-16. öld, auk þess sem hópurinn frumflutti tónlist eftir nokkur íslensk tónskáld. Félagar úr hópnum hófu síðan fljótlega að skoða íslenska söngarfinn, fyrst út frá safni sr. Bjarna Þorsteinssonar og síðan beint úr handritum, og síðan 1993 hefur Voces Thules verið leiðandi afl í rannsóknum og flutningi á íslenskri tónlistarhefð miðalda.

Viðamesta verkefni hópsins til þessa er heildarflutningur, hljóðritun og útgáfa á „Þorlákstíðum”, einu merkasta af íslenskum tónlistarhandritum.

Hópurinn hefur komið fram á ótal þingum og ráðstefnum tileinkuðum fornum tónlistarhandritum og sungið úr Þorlákstíðum, Nikulásartíðum, Hallvarðstíðum, Magnúsartíðum og ýmsum öðrum miðaldahandritum.

Á meðan vinnan við Þorlákstíðir fór fram varð aðalviðfangsefni hópsins smám saman íslensk miðaldatónlist. Þar hafa Voces Thules nýtt sér þjóðlög sem talin eru fornnorræn og lagað þau að öðrum textum. Í tengslum við þessa áherslu á miðaldir hefur hópurinn komið sér upp góðu safni miðaldahljóðfæra.

„Sék eld of þér”, geisladiskur ásamt veglegum bæklingi á þremur tungumálum, kom út í febrúar 2009. Diskurinn innheldur tónlist sem Voces Thules, ásamt Arngeiri Haukssyni, settu við draumkvæði úr Sturlungu en sagan hermir að sögupersónur hafi dreymt fyrir Örlygsstaðabardaga hinn 21. ágúst 1238.

Voces Thules hafa haldið tónleika og tekið þátt í tónlistarhátíðum víða um heim, svo sem í Japan, Hollandi, Noregi. Spáni, Svíþjóð og Þýskalandi. Hér á landi hefur hópurinn oftsinnis haldið tónleika, t.d. á Listahátíð í Reykjavík, á Sumartónleikum í Skálholtskirkju og með Sinfóníuhljómsveit Íslands, Íslenska Dansflokknum og CAPUT.

Hópurinn hlaut Íslensku tónlistarverðlaunin 2006 fyrir útgáfu Þorlákstíða og var tilnefndur til Tónlistarverðlauna Norðurlandaráðs 2008 sem flytjendur ársins.

Sigurður Halldórsson, 14. apríl 2015 – sjá nánar á vef Voces Tules.


Vocal ensemble Voces Thules was founded in 1991 and has established itself as a leading ensemble for performance and research on Icelandic medieval and traditional music. The recording and publishing of St. Thorlak’s Office, one of Iceland’s most important music manuscript, is a the most extensive project that the ensemble has undertaken so far. In connection to their emphases on medieval music, the ensemble has acquired a collection of period instruments.

Voces Thules has performed widely. The group visited 15 cities in Japan singing to an audience of approximately 30 thousand people. Voces Thules has also toured Sweden, Norway, the Baltic states, the Netherlands, UK, Germany and Spain.

In Iceland, the ensemble has held regular concerts in all parts of the country as well as with the Iceland Symphony Orchestra, the Icelandic Dance Company, CAPUT ensemble and at Reykjavik Arts Festival and Skálholt Summer Concerts.

Voces Thules were awarded the Iceland Music Price in 2006 for their publication of St. Thorlak’s Office and in 2009 they were nominated for the Nordic Council Music Price.

Sigurður Halldorsson, April 14, 2015 – For further information see the group's web-site.

Meðlimir

Nafn Staða Frá Til
Arngerður María Árnadóttir 2009
Eggert Pálsson 1991
Einar Jóhannesson 1997
Eiríkur Hreinn Helgason 1997
Guðlaugur Viktorsson 1991
Sigurður Halldórsson 1991
Sigurður Sveinn Þorbergsson Söngvari 1996 1998
Sverrir Guðjónsson 1992 2007

Skjöl

Voces Thules Mynd/jpg
Voces Thules Mynd/jpg

Tengt efni á öðrum vefjum

Jón Hrólfur Sigurjónsson uppfærði 19.08.2016