Sinfóníuhljómsveit áhugamanna Sinfóníuhljómsveit

Hljómsveitin var stofnuð haustið 1990 og hafa hljóðfæraleikarar með sveitinni flestir atvinnu af öðru. Hún er einnig vettvangur nemenda og tónlistarkennara til að iðka tónlist og viðhalda færni sinni. Hljómsveitina skipa að jafnaði 40-50 manns, en alls hafa meira en 100 manns leikið með henni. Starfið er ólaunað. Æfingar eru eitt kvöld í viku, starfsárið er frá september til maí.

Ingvar Jónasson var listrænn leiðtogi hljómsveitarinnar allt frá upphafi til ársins 2005 en þá tók Oliver Kentish við sem aðalatjórnandi. Aðrir stjórnendur hafa einnig komið við sögu og stjórnað tónleikum eða einstökum verkum.

Hljómsveitin hefur sótt flest viðfangsefni sín til klassíska tímans, en einnig hafa verið tekin til flutnings nýrri verk. Hún hefur frumflutt nokkur íslensk verk og hefur fjöldi þekktra, íslenskra einleikara hefur komið fram með sveitinni.

Hljómsveitin hefur átt samstarf við marga kóra og flutt smærri og stærri verk fyrir kór og hljómsveit. Lögð hefur verið áhersla á að eiga samstarf við kóra utan höfuðborgarsvæðisins, svo sem á Ísafirði, í Borgarfirði og í Skálholti. Haldnir hafa verið u.þ.b. sex tónleikar á ári, en auk þess hefur hljómsveitin komið fram við ýmis tækifæri svo sem við athafnir í Háskóla Íslands og hátíðaguðsþjónustur.

Stjórn sveitarinnar skipa Páll Einarsson formaður, Kjartan Guðnason gjaldkeri, Guðrún Másdóttir, Sverrir Guðmundsson og Páll Ingvarsson.

Af vef hljómsveitarinnar (17. desember 2014)

Meðlimir

Nafn Staða Frá Til
Erna Másdóttir Fiðluleikari
Hildigunnur Rúnarsdóttir Fiðluleikari
Ingvar Jónasson Stjórnandi 1990 2005
Oliver Kentish Stjórnandi 2005
Páll Einarsson Sellóleikari og Kontrabassaleikari

Tengt efni á öðrum vefjum

Jón Hrólfur Sigurjónsson uppfærði 5.06.2015