Ísmús - Tónlistarmannatal með stórum staf

Í Ísmús eru nú skráðir nærri 3.750 einstaklingar (Sjá Efnisyfirlit - Einstaklingur) og 289 starfsheiti (Efnisyfirlit - Staða). Þar af eru skráðir 453 tónlistarmenn - lífs og liðnir (Efnisyfirlit - Staða og slá inn tónlistarmaður). Um suma tónlistarmenn eru skráðar nokkuð ítarlegar upplýsingar - t.d. Sveinbjörn Sveinbjörnsson, Sigfús Halldórsson og Guðmund Ingimundarson frá Bóndhól - um aðra er minna skráð.

Til stendur að gera skráðum Ísmús-notendum mögulegt að bæta inn upplýsingum beint í grunninn, ekki ólíkt því sem mögulegt er í Wikipedia. Þá munu upplýsingar í þessari miklu veitu áreiðanlega vaxa gríðarlega og Ísmús fljótt verða umfangsmesta upplýsingagátt um íslenska tónlistarmenn fyrr og nú.