Hver var Gísli í Eilífðinni?

Svarið má að hluta finna þeim tveimur blaðagreinum sem tengdar eru Gísli í Ísmús og gefa ágæta sýn á manninn og lífsbaráttu almennings á fyrri hluta 20. aldar.

Ævi Gísla er um marg merkilega og ströng. Hann vann erfiðisvinnu framan af, eignaðist 14 börn en missti konuna og varð að leggjast inn á berklahælið á Vífilsstöðum frá stórum barnahópi. Á Vífilsstöðum dvaldi Gísli það sem eftir var ævinnar – sem starfsmaður eftir að hann sigraðist á berklunum. Þar rak hann líka útvarpsstöð fyrir sjúklingana í nærri 20 ár. Það framtak Gísla var einstakt í alla staði og verðskuldar rannsókn og athygli. Um helmingur plötusafns Gísla, sem var uppistaðan í útvarpinu og taldi um 6000 plötur þegar mest var, er nú varðveittur í Tónlistarsafni Íslands og bíður nánari skoðunar eins og raunar ævi og störf Gísla í stærra samhengi.

Enn vantar þó efni og upplýsingar um Gísla (dánardægur hans, ljósmyndir, upplýsingar um útvarpsstarsemina, fyllra æviágrip og nöfn barna hans). Þeir sem eitthvað vita frekar um Gísla eða afkomendur hans mega gjarnan hafa samband við Tónlistarsafn Íslands.