SÁM 90/2248 EF

,

Spurt hvort víðar hafi verið reimt í Borgarfirði eystra en það var lítið. Nægur draugagangur utan til á héraðinu. Eyjaselsmóri var bæði í hlíðinni og Hjaltastaðaþinghánni. Hann var magnaður draugur en ekki gott að rekja það. Heimildarmaður sá hann aldrei sjálfur. Hann átti til dæmis að hafa drepið fé á Ketilsstöðum á Jökulsárhlíð. Vísað í bók eftir Halldór Pétursson í Reykjavík en hann er af ættinni sem Móri fylgdi. Móri hélt mikið til á Hóli á seinni árum þar sem bjó fólk af ættinni. Það var ekki margt fólk á heimilinu á Ásgrímsstöðum, sem er næsti bær fyrir innan Hól. Einu sinni gerðist það þar að hjónin heyra einhvern umgang og læti niðri í fjósi, en kýrnar voru undir palli. Það gengur svo langt að bóndi fer niður að athuga málið. Þá voru kýrnar farnar úr fjósinu. Það var víst ein kýr og kvíga. Þær finnast fram í hlöðu en þangað er innangengt. Þær eru þar og kvígan er bundin, og þau geta ekki losað hana. Bandið lá í gegnum þekjuna og út. Bóndi fer út að athuga með þetta, þá situr Móri þarna klofvega og heldur í bandið þannig að ekki var gott að ná því. Þegar Móri sá bónda sleppti hann bandinu. Þá fór bóndi inn og þá gekk allt vel. Móri átti það til að drepa menn, til dæmis á Hóli, þar drap hann mann sem hét Hálfdan og var af ættinni. Eyjaselsmóri ferðaðist um allt hérað, upp á Jökuldal og annars staðar. Hann fylgdi þessu fólki áreiðanlega


Sækja hljóðskrá

Spila næstu upptöku þegar þessari lýkur

SÁM 90/2248 EF
E 67/5
Ekki skráð
Sagnir
Nafngreindir draugar
Ekki skráð
Ekki skráð
Ekki skráð
Ekki skráð
Björgvin Guðnason
Hallfreður Örn Eiríksson
Ekki skráð
06.01.1967
Hljóðrit Hallfreðar Arnar Eiríkssonar
Engar athugasemdir

Uppfært 27.02.2017